|
|
|
|
|
|
|
|
|
|
|
|
|
التاريخ
10/19/2008 7:27:02 PM
|
 ماذا يحدث لمن يجلس علي الكرسي المسحور
|
بداية اسمحوا لي ان اكتب هذه المشاركه باللغه العاميه
بجد انا عاوز اعرف ايه التهريج ده اللي بيصاحب كل انتخابات للمحامين نفسي اعرف ايه اللي بيفعله كرسي النقيب او العضويه لمن يجلس عليه حتي يتقاتلوا ويقطعوا هدوم بعض عليه فالمفروض ان الشخص المتقدم للانتخابات هو مرشح لاداء خدمه عامه للمحامين هذه الخدمه سوف تستقطع من اهتمامه بمكتبه وبيته وتؤثر سلبا علي حياته يعني بصراحه وجع دماغ علشان كده المفروض في المتقدم للترشيح انه مايزعلش ابد عند سقوطه فقد رشح نفسه للخدمه العامه ووجع الدماغ ولم يوفق اذن بركه ياجامع ويدار ما دخلك شر وشكرآ ياجماعه اما اذا نجح فهذا عبء عليه كما ذكرنا وعليه يكفيني دوره او دورتين علي الاكثر وسلامو عليكم علشان افوق لنفسي ولمكتبي وبيتي اما ان انا الزق علي الكرسي واستحاله اقوم من عليه فده شئ غريب هذا من ناحيه ومن ناحيه اخري فالمفروض ان المرشح داخل النقابه لاداء خدمه عامه غير مستفيد بشئ فالطبيعي ان المرشح يعرض نفسه بمنتهي الهدوء فاذا وجد تجاوزات تسئ اليه فالطبيعي انه ينسحب بهدوء لانه داخل يؤدي خدمه عامه مش داخل يتهزأ اما ان المرشحين وانصارهم يمسكوا في بعض ويمسحوا بكرامة بعض الارض فده شئ برضه غير طبيعي ويتنافي مع طبيعه تولي هذه المناصب اللي المفروض مافيش فيها اي منافع .
ومن ناحيه ثالثه موش فاهم ليه انصار المرشحين بيقطعوا في بعض وعلشان ايه ?المفروض ان انا بأساند مرشح ما فاذا لقيت نفسي هأتعرض لاي اهانات يغور المرشح ده في ستين داهيه اللي هيسبب لي الاهانه اما ان انا اتمسك به واتخانق بالنيابه عنه فده برضه شئ غريب .
علشان كده انا نفسي اعرف فعلآ ايه اللي بيعمله هذا الكرسي فيمن يجلس عليه حتي يجعله هو وانصاره في حالة تقاتل عليه ياجماعه الموضوع بسيط جدآ انا مقدم نفسي لخدمتكم موافقين علي كده انا شاكر لكم مش موافقين جت منكم والف سلامه وبلاها وجع الدماغ .
وفي النهايه عندي اقتراح للساده الأفاضل اعضاء المنتدي لوحبيتوا ترشحوني لمده اسبوع واحد فقط اكون نقيبا للمحامين حتي اعرف الكرسي ده بيعمل ايه بالضبط في اللي بيقعد عليه واحكي لكم بصراحه علي اللي بيحصل بمجرد جلوسي عليه بس ربنا يستر وماألزقش عليه وامسك فيه بايديا واسناني .  
moud999 عدد المشاركات >> 162 التاريخ >> 20/10/2008
|
اخى العزيز
الكرسي دة مسحور إلى بيجلس علية بيخرج له عفريت زى إلى قال علية طلعت السادات فى برنامج الحقيقة العفريت بيقول شبيك لبيك
اما تحضير العفريت بتاع الكرسي والمصباح السحرى دة تسأل علية اهل الخبرة من المرشحين لمنصب النقيب
والله الموفق
moud
|
abdella عدد المشاركات >> 92 التاريخ >> 21/10/2008
|
للكراسى فى مصر بريق وعاشقين
ما راينا فى مصر الحبيبة احد القادة او نقيب او رئيس مجلس محلى تخلى طواعية عن كرسى
انا كرهت الكراسى وبدأت افكر اقعد على الارض يمكن العقدة تزول من عند الشعب المصرى ويجى يوم وواحد يتخلى عن كرسى ويقول كفاية فية غيرى احق
وان العلم ليس حكر على وان الجهل نصيب الباقين
وان البلد التى اتيت بى لن تاتى بمثلى وانا سيد المغفلين
عبداللة النجار
الشرقية
|
|
|
|
|
|
|
|
|
|
|
|
|
|