يوم 4 مايو القادم هو يوم عيد ميلاد الرئيس حسني مبارك ....
وبالطبع ستطالعنا الصحف الحكومية ... بتهاني الفاتح الغازي الموحد لكل الأقطار وليس ( القطرين ) .
وعادة كل واحد منا بيبقى بيحلم ومع كل سنة جديدة في حياته بيقعد مع نفسه شوية ويفكر .. يا ترى ؟ أنا دلوقتي بقى عندي كام سنة ؟ وهأعمل ايه السنة الجاية ؟ ويا ترى اللي فات من عمري حققت اللي كنت باحلم بيه ولا لأ ؟ طيب هو ايه اللي كنت باتمناه ؟ فلوس ؟ عملتها ولا لأ ؟ جاه ؟ يا ترى اتحقق ؟ شهرة .. نفوذ .. سلطة .. ؟؟؟؟؟؟؟؟ طيب أنا ناقصني ايه ؟ ويا ترى اللي باقي في عمري قد ايه ؟ هالحق أعمل اللي نفسي فيه ؟ .
دي الأسئلة اللي أحنا بنسألها لنفسنا ؟ علشان كل واحد فينا إما مسئول عن نفسه أو يدوب مسئول عن عيلة فيها أربع خمس أنفار .
يا ترى ؟ هل الرئيس حسني مبارك بيفكر زي البنيأدمين ؟ أقصد العادية يعني ما حدش يروح بدماغه لبعيد .
طيب ما تيجي نعمل جولة في دماغ وفكر الرئيس ؟ يعني ببساطة لو أي حد مننا هو الرئيس وفي نفس موقفه هيفكر ازاي في المصيبة اللي ربنا ابتلاه بيها ؟ اللي هو أحنا يعني المواطنين .
يا ترى وهو في عمر الرئيس كده بيفكر .. هيقول لربنا ايه على الأمانة دي ؟
تخيلوا مثلاً أن الرئيس في محكمة العدل الالهية وبيُسأل ؟
س: يا بن أدم أعطيت السلطة والسلطان فماذا فعلت بهم ؟
س: يا بن أدم أعطيتك المال والجاه فماذا فعلت بهم ؟
س : يا بن أدم أعطيتك من نعمي المختلفة فماذا فعلت بها ؟
س : يا بن أدم جعلتك خليفتي في الأرض .. فهل أحسنت الخلافة ؟
س : يا بن أدم جُعلت خليفتي في الأرض .. فهل ساعدت على ذكري ؟
س : يا بن أدم جعلتك خليفتي في الأرض لتحكم فيها .. فهل حكمت بما أنزلت ؟
س : يا بن أدم استخلفتك في الأرض أميناً على عبادي .. فهل أديت الأمانة ؟
س : يا بن أدم استخلفتك في الأرض لتعمرها .. ففسدت وأنت مبصر بالفساد فهل حاربته ؟
س : يا بن أدم استخلفتك في الأرض لتقيم الحق والعدل فيها .. فكثر الظلم وأنت مبصر به فهل قاومته ؟
س: يا بن أدم مددت في عمرك وقبضت أرواح من حولك لتتعظ فهل كان الموت لك عظة وعبرة ؟ ( الأمانة ) اللذين أهدرهم .. وعن شعائرها التي لم يحفظها وعن اليتامى والأرامل والشباب والشيوخ وعن الظلم وعن السرقة وعن سفك الدماء وعن البطانة الفاسدة وعن وعن وعن ؟؟؟؟
أخيراً وليس أخراً ،،،،،
كل سنة وأنت طيب يا ريس وعقبال 185 سنة .
