منتدى المحامين العرب

العصفورة

التاريخ
5/9/2008 7:08:59 PM

حاليا بنجاح ساحق فى دور العرض : جنابو ورط أحبابو .. وخلع

مشهد 1 - ليل داخلى : مكتب شخص ما

لقاء بين "س " و " م " فى أحد المكاتب يدور فيه هذا الحوار :

م : لازم نشوف حل مع الناس الى عاملة لنا مشاكل دى وعمالة ترفع فى قضايا .. الوضع كده مش كويس وأساء لنا امام المحامين

س : الموضوع بسيط نخليهم يتشغلوا فى مشاكل جانبية تقلل من حركتهم شوية

م : يعنى نعمل ايه

س : اذا بدأت بأول واحد الباقيين حايخافوا ويكشوا شوية وده يدينا فرصة نخلص منهم واحد واحد

م : يعنى نبدأ بمين ؟

س : طبعا حابندأ ب " ث . خ " ده سبب المشاكل كلها لو بدأنا به الباقيين حايخافوا

م : ونعمل ايه ؟

س : أنت ملكش دعوة مش لازم نظهر احنا فى المواجهة بشكل صريح

م : امال ايه ؟

س : بكرة الصبح فى محامى حايروح النقابة يقدم شكوى ضده ، مجرد ما تتقدم الشكوى نبدأ التصرف فيها .

م : نتصرف فيها ازاى

س : ملكش انت دعوة لما تتقدم الشكوى بلغنى وانا حاقولك

م : حاضر

= = =

مشهد 2 - نهار داخلى : مكتب الأمين العام :

يدخل موظف إدارة التأديب " س . ص " على عضو المجلس الجالس على مكتبه ويخبره بأن هناك شكوى قدمت اليوم من محامى يدعى " م . ع " ضد المحامى " ث . خ " ويسأله ماذا نفعل بها .. فيقول عضو المجلس انتظرنى قليلا برة .. يخرج الموظف ويغلق الباب خلفه فيمسك عضو المجلس التليفون ويجرى المكالمة التالية :

م : الشكوى اتقدمت

س : أيوة عرفت

م : نعمل ايه

س : أشر عليها بالاحالة إلى عضو المجلس المختص للتحقيق وخدوا اجراءاتكم بسرعة

م : حاضر

يقوم عضو المجلس بالنداء على موظف التأديب ثم يقوم بالتأشير على الشكوى بالاحالة إلى عضو المجلس " ر . ز " لاتخاذ اللازم .. وزيقول له أن يذهب مسرعا الى " ر . ز " ليعرض عليه الشكوى .

= = =

مشهد 3 - نهار داخلى : مكتب أعضاء المجلس

يدخل الموظف على عضو المجلس بالشكوى ويقدمها له فى الوقت الذى يرن فيه تليفون عضو المجلس فتدور هذه المكالمة :

م : الموظف جالك

ر : ايوة يا فندم جايب لى شكوى ضد " ث . خ "

م : طيب أشر عليها بالتحقيق وحدد جلسة سريعة عايزين الموضوع ده يخلص باسرع وقت ممكن .

ر : حاضر يافندم

يغلق عضو المجلس التليفون ثم يمسك بالشكوى ويقوم بالتأشير عليها " تحدد جلسة تحقيق عاجلة بتاريخ 6/5/2008 ويخطر المشكو ضده بخطاب مسجل بعلم الوصول " . ثم يعطى الشكوى للموظف قائلا له نفذ التأشيرة وبسرعة .

= = =

مشهد 4 - نهار داخلى : مكتب إدارة التأديب

يجلس موظف التأديب على مكتبه .. يرن تليفونه فيمسك به ثم تبدوا عليه علامات الارتباك ويهب واقف لتدور المكالمة التالية :

الموظف : أيوة يا معالى ال " ... " تحت أمرك

س : فى شكوى اتقدم لك النهاردة ضد المحامى " ث . خ "

الموظف : أيوة يا فندم

س : عملت فيها ايه

الموظف : عرضتها حضرتك على الأستاذ " م " وهو اشر عليها باحالتها لعضو المجلس " ر . ز "

س : مين اللى قالك تعمل كده

الموظف : حضرتك ما هى دى الاجراءات المتبعة فى اى شكوى

س : بلاش كلام فارغ مفيش حاجة تتعمل هنا من غير علمى .. دى اخر مرة تعمل فيها كده أى حاجة تانية زى دى تعرضها عليا الأول قبل ما تتصرف فيها انت فاهم

الموظف : حاضر يا معالى ال " ... " تحت أمرك .

انتهى ....

لا تعليق

العصفورة

العصفورة عدد المشاركات >> 17 التاريخ >> 10/5/2008

يذكر أن الأستاذ رفعت زيدان عضو مجلس النقابة عن مقعد الشباب كان فى يوم قضية الطعن على الجمعية العمومية يجلس بغرفة المحامين بمجلس الدولة على المنضدة التى تتوسط الغرفة وكان يجلس على ذات المنضدة باقى أعضاء المجلس من الاخوان .. ولم يكن وقتها قرار المحكمة الادارية العليا قد صدر .. ووقتها قال رفعت ومعه على كمال واسامة الحلو .. لو لم تصدر المحكمة قرار بوقف تنفيذ الحكم لن نحضر للنقابة غدا .. وهذا على اعتبار ان وجودهم اصبح غير شرعى ومخالف للقانون وانهم احتراما لاحكام القضاء والقانون سيمتنعون عن الحضور للنقابة فى اشارة لانتهاء عمر المجلس ..

فياترى ما هو الجديد الذى حدث وجعل الأستاذ رفعت زيدان يغير موقفه ويحضر للنقابة ويحيل المختلفين معه للتأديب .. يوجد اختيارات ( ممنوع الاستعانة بصديق ) :

1- لأن المحكمة لم تصدر قرار بوقف تنفيذ الحكم ولكن اصدر حكم برفض الطعن

2- لان دخول المجلس مش زى خروجه

3- لابد من ترك بصمة قبل ترك الكرسى ولو كانت احالة استاذى بالأمس للتأديب

4- لانه اذا لم ينفذ الأوامر ستصل له رسالة تقول " المعلم مبسوط منك قوى وبيقولك ماتجيش بكرة .