منتدي المحامين العرب منتدى الاستشارات القانونية تشابه اسماء
السلام عليكم جميعاً منذ شهر ونص كنت مسافر للخارج في اوروبا وكنت مسافر عن طريق القاهرة للغردقة لمطار الغردقة .. وفي احد الاكمنة بطريق الغردقة كمين البحر الاحمر شاف بطاقة الشخصية للجميع وندهو اسمي نزلت والظابط قالي عليك قضية مخدرات من ٢٠١٢ .. وكان ردي ازاي ده انا مطلع جواز سفر من شهر وعامل فيش جنائي قبل كده قلتله اكيد تشابه اسماء قالي نفس محل الاقامة وكده ونفس الاسم قلتله اكيد في غلط .. المهم قالي مسافر فين قلتله اوروبا قالي سياحة ولا شغل قلتله سياحة وقالي شغال ايه قلتله في مجال الميديا وعامل مسلسلات كذا وكذا .. لقيته ابتسم والموضوع عدي وقالي لما ترجع مصر اعمل نشرة تفريغ وركبت الباص وذهبت الي مطار الغردقة والي بره مصر عادي بدون اي مشاكل ورجعت بعد اسبوع من رحلتي بالخارج وكلمت احد الاقارب يعمل في وزارة الداخلية كشف علي البطاقة قالي مافيش حاجة عليك ولكن في اسامي كتيير نفس اسمك .. المهم قالي في اسمك شبهك ونفس المنطقة ولكن عنوان اخر وجابلي رقم القضية بتاعته والحصر انا ذهبت للنيابة لعمل افادة ولكن لن استطيع بسبب ان مش فاهم حاجة في المحاماه وايه ارقام قضايا او حصر يعني ايه .. المهم سئلت الكثيير في قالي ضيف لقب العيلة في البطاقة وهيكون الاسم الخامس وفي قالي غير عنوانك لمكان اخر وسمعت كلام كتيير انا عايز حل لاني الموضوع تاعبني نفسياً لما تكون انت ماشي جنب الحيط وفي واحد نفس اسمك علية جناية مخدرات ب ٧ سنين سجن و ١٠٠ الف جنيه غرامة ! عايز حل للموضوع ده عشان انا برجع من شغل متاخر كتيير ولو صادفني كمين ولا سافرت برة مصر وقابلت كمين تاني وكشف علي البطاقة ميحصلش رخامة او يشدوني علي القسم لحد مايعملو تحريات .. واكيد ده هيتعبني اكتر نفسياً ! انا عايز حل من الاخوة المحامين لحل هذه المشكلة وشكراً ليكم
الانتقال السريع اختــــار ------ منتـــدي المنتدى العام ------ ------ منتـــدي من أعلام القضـاة والمحـامين العرب ------ ------ منتـــدي استراحة المنتدى . ------ ------ منتـــدي منتدى الاستشارات القانونية ------ ------ مكتبـــة الأبحاث القانونية------ ------ مكتبـــة القوانين العربية------ ------ المكتبـــة الصوتية------