السلام عليكم انا محتاج استشاره عاجله وامينه فى موضوع تعبنى بصراحه,,, الموضوع باختصار اننا اشترينا شقه من واحد بعقد بيع ابتدائى وتوكيل فى الشهر العقارى ودفعنا المبلغ الثابت فى العقد بالكامل فى شهر 1 سنه 215 بعد فتره حصلت مشكله مع اخواته واحدثوا تلفيات فى باب الشقه كنوع من اعتراضنا فى الدخول الكلام ده فى 21/2/2015 وتم عمل محضر بالواقعه ,,, وغيرنا الكالون وباشرنا اعمال التشطيب فى الفتره دى كنا مقيمين فى شقه تانيه لحين الانتهاء من التشطيبات ثم تعاقدنا على عداد الكهرباء فى شهر 8 وانتقلنا للاقامه فى الشقه ,,, فوجئنا فى شهر 11 بمحضر وشيخ الحاره جايين ينفذوا قرار تمكين لصالح زوجه البائه والبائع نفسه حيث قامت بعمل محضر فى شهر 6 ضده وشهد هو معها ايضا ان الشقه شقه زوجيه وانها مقيمه بها لمده عامين قبل تاريخ المحضر وجائت بشهود زور ولم يتم سؤال الجيران الملاصقين ,,, المهم المحضر اخد التوكيل لعرضه على قاضى التنفيذ فطلب تحريات اخرى عن علاقه والدتى المشتريه بالبائع فاجاب القسم انه لا توجد علاقه سوى بيع الشقه ومع ذلك اصدر قاضى التنفيذ استمرار فى التنفيذ ,,, قمت برفع دعوى مستعجله للتظلم من قرار المحامى العام وتم رفض التظلم استنادا لشهاده الشهود وتحريات المباحث وقرار النيابه ,,, ايه العمل ,,, الشقه جديده وانا فعليا اول ساكن ولم تكن تصلح اصلا للسكن قبل ما نشتريها طلبنا من القاضى يسال شركه الكهرباء عن التعاقدات اللى تمت على الشقه لادخال عداد علشان نثبت انه مكنش فيها عداد نور اصلا مرضيش ولا حتى سماع شهود