استشارة فى جنحة إيصال أمانة

اقام المجنى عليه جنحه ايصال امانه ضد المتهم طالبا مبلغ 200 ألف جنيه بما ان المتهم لم يسلمها واختلسها لنفسه تم اقامتها عام 2013 1/ وحيث انه كان يوجد علاقه بين المجنى عليه والمتهم ( وهي وجود توكيل بقياده سياره صادر من المجنى عليه للمتهم منذ عام 2007 وتم التوقيع على ايصالات الامانه ضمانه لرد السياره والبضاعه التى عليها ) 2/ وجود شهاده من الشهر العقارى تفيد بأن ذلك التوكيل صحيح 3/ وجود دعوى ايصال امانه ايضا من ذات المجنى عليه على المتهم عام 2009 ولكن المبلغ مختلف تم احاله الدعوى للتحقيق لانتفاء ركن التسليم وحضر شهود الاثبات والنفى 1/ شاهد الاثبات الأول :- قرر بانه يعمل عند المجنى عليه من 15 سنه وان المتهم ديما بياخد فلوس يوديها لمستوردين فى الاسكندريه وبخصوص الواقعه دى انا كنت باحمل العربيه وشوفت المتهم فى المحل بيعد فلوس من المجنى عليه بس معرفش هما قد ايه علشان يوديها لمستوردين فى الاسكندريه وبعتوا جابوا وصل امانه ومضوه عليه وماعرفش لون الايصال ايه ولا بيناته ايه والكلام دا من حوالى سنتين ونص 2/ شاهد الاثبات التانى :- انا شغال مع الناس دى بقالى 15 سنه وعندى مصنع صاج وفى اليوم دا انا كنت بانزل عندهم شغل وشوفت المتهم بيعد فلوس كتيره معرفش قد ايه وكان فى المحل بتاع المجنى عليه وكان واخدها يوديها لناس فى الاسكندرية والكلام دا من حوالى سنتين ومعرفش لون الايصال ايه ولا الفلوس قد ايه وكان موجود ناس شغاله 3/شاهد النفى الاول :- انا فاتحه مكتبه من 2007 واعرف المتهم لانه من بلدى ودخل عليا فى يوم هو والمجنى عليه والمجني عليه وناس كمان والمجنى عليه طلب منى دفتر ايصالات وختامه ومضى وبصم قدامى على بياض على عدد 4 ايصالات امانه ولما سألته بتوع ايه قال بتوع العربيه والبضاعه علشان يضمنوا حقهم والايصالات كانت على بياض فقط وقالى تعالى اشهدى وجيت اشهد باللى حصل والمتهم اعرفه من بلدى والمجنى عليه ماعرفش اذا كان فاتح محل جمبى ولا لا 4/شاهده النفى الثانيه :- اللى حصل انى كنت شغاله فى المكتبه من فتره كبيره جدا ويوم الواقعه دى دخل حوالى 3 او 4 رجاله وطلبوا دفتر وختامه والمتهم مضى وبصم على بياض بس ماعرفش كام وصل اتنين ولا تلاته لإنه ماغبش فى الامضاء وكانت بسرعه ولما سألت الشاهده الاولى فى ايه قالتلى انه موضوع عربيه وبضاعه علشان يضمنوا حقهم 5/ شاهد النفى الثالث :- اللى حصل ان اانا صديقى المتهم وروحت معاه من حوالى 7 او 8 سنوات علشان نحل موضوع الايصالات وماعرفش موضوعها ايه باين كانت علشان عربيه والمجنى عليه قالنا بكره بعده وماجبش الايصالات وانا اعرف المتهم لانه طلع معايا رحله من فتره كبيره ومن يومها وهو صحبى مارأيكم القانونى وماهو المتوقع من حكم ؟؟ وهل اذا حكم فى الجنحه بالادانه يحق لى طلب الطعن بالتزوير على صلب الايصال .؟؟ والطعن بالتزوير على التوقيع المنسوب صدوره للمتهم عام 2013 هل هو معاصر للتوقيع المنسوب صدوره عام 2009 وبذلك يسقط الحق فى اقامه الدعوى الجنائيه من عدمه ؟؟