السلام عليكم,
انا اشتريت شقه في عمارة الارض بتاعتها مسجله انما البناء مخالف في الاسكندريه وتسلسل البيع كالاتي ( ح ) اللي اشتري الارض وعمل توكيل رسمي عام بالبييع والشراء للمقاول ( ر ) وبعد كده المقاول ده بنا العمارة وبعد ما خلص بناء المقاول عمل توكيل رسمي عام بالبيع والشراء والتصرف ل ( خ ) وانا اشتريت الشقه من ( خ ) في وجود المقاول ( ر ) بعقد بيع ابتدائي تم دفه مقدم فيه وباقي ثمن الشقه علي 3 اقساط في مواعيد مختلفه والعقد مذكور فيه انه لو حصل تاخير في السداد يعتبر العقد لاغي من تلقاء نفسه وشرط جزائي .
عند سداد كل قسط كنت بدفع مبلغ القسط للمقاول ( ر ) وبيمضيلي علي العقد انه استلم القسط واقرار استلام نقديه ودفعت قسطين بالطريقه ديه وبعد كده لما جيت ادفع ثالث قسط والاخير تعذر عليا الاتصال بالمقاول ( ر ) وفضلت اسبوع لحد ما وصلت للشخص اللي عقد البيع بيني وبينه ( خ ) ولما عرضت عليه اخر قسط وانه يخليلي العقد نهائي خالص الثمن ويعملي توكيل رسمي عام بالشقه الشخص ( خ ) رفض استلام اخر قسط وهددني بفسخ العقد لاني ما ددفعتش الاقساط ل ( خ ) بشخصه و ان المقاول ( ر ) نصب عليا كدهز
استفساري كالاتي
1. هل انا اتنصب عليا لما دفعت للمقاول ( ر ) ولا لا
2. هل من حق الشخص ( خ ) انه يعمل فسخ عقد وتطبيق الرط الجزائي زي ما هو هددني
3. ايه التصرف و الاجراء القانوني اللي يضمنلي حقي وخصوصا ان الشخص ( خ ) رافض استلام القسط وان المقاول ( ر) مش عارف اوصله عشان ياخد الفسط ويعملي عقد نهائي زي مادفعت القسطين قبل كده
شاكر جدا لتعبعكم ومجهودكم