السلام عليكم ورحمة اللة وبركاته
انا مستأجر لمحل قبل صدور قانون الأيجارت الجديد بجمهورية مصر العربية بدون كتابة عقود لايوجد معى عقد ولا مع مالك العقار عقد منذ سنه 1994 ميلادية
فؤجت منذ سنة نصف بأن اصحاب العقار يريدون ان يحرورا معى عقد ايجار لمدة سنه فرفضت ان أكتب عقد ايجار وحصلت مشاكل وفى عطلة عيد الأضحى واحنا بنعيد فؤجت بأن اصحاب العقار قاموا بإستجار بلطجية وقامو بكسر اقفال المحل وسرقة محتوياته والجيران عرفونى ورحت ولقيت اصحاب البيت واقفين ومعاهم بلطجية والمحل كله فاضى وكانو عايزين يخلونى اكنى مكنش ليه وجود ويحطوا اقفال جديدة المهم اتصلت بالشرطة والبلطجية فؤجت انهم اختفوا ولما الشرطة جيت اصحاب العقار قالوا ان المحل دة بتاعنا والراجل دة شغال عندنا وبيقول عايز مبلغ مالى علشان اطلع من المحل وطبعا كل دة كذب المهم بقت قضية وروجنا النيابة والمباحث عملت التحريات وقالو فى التحريات النهائية ان فى خلاف بينى وبين اصحاب العقار وصاحبة العقار قامت هية وأولادها باستجار بلطجية وكسروا اقفال المحل وسرقوا ماقيه من بضاعة المهم خدوا براءة فى جنحة السرقة دى زورا شهادة لابنهم انه مريض بالقلب وكان فى الوقت بتاع الحادثة فى مستشفى قى محافظة تانية وكدة
بعد كدة صاحبة البيت رجعت رفعا قضية طرد للغصب لانها بتقول فيها انى مفيش بيننا علاقة ايجارية وعايزة تطردنى من المحل والقضية دى لسة شغالة إتأجلت مرتين وصاحبة البيت راحت فى مرة من الجلسات قدمت طلبات جديدة بتقول انى مدفعتش ليها الأجرة المستحقة من سنة تقريبا وانا فعلا مديتيش ليها فلوس من ساعة مكسروا اقفال المحل وسرقوه
انا عايز اعرف انا ايه اللى مفروض اعمله وهل موقفى فى القضية حرج وممكن يتم طردى علما بأنى لا أملك عقد ولا هية تملك عقد ومكناش بنحرر وصل بالأيجار بس صاحبة العقار بتكدب كتير يعنى هية فى الأول خالص قالت انه شغال عندى وبعد كدة قالت انه مفيش علاقة ايجارية وبعد كدة قالت انه مبيدنيش ايجار بقاله فترة
وانا حاليا لسة موجود داخل العين وبزاول تجارتى وشغال عادى بس القضية دى شغالة لسة
استحلفكم بالله ياأهل الخبرة ان تفيدونى لأنى واللهى العظيم مظلوم والناس اللى بتعامل معاهم معندهومش ضمير