الناس معادن
وكل سنة والمعادن بتاعتنا كلها بخير
فيه ناس صفيح وناس دهب وناس أغلى من الألماس
الحمد لله الذي بلغنا رمضان
كل عام والدنيا كلها طيبة ، الكبير يحن على الصغير ، والغني يعطف على الفقير ، والمسئول يخاف من المسئولية والحساب ممكن يكون في الدنيا مش بس في الاخرة ، يا رب يسامح كل خاطي ، ويهدي كل عاصي ، ويطيب نفسي ويهذب اخلاقي ، ويجعلني نبراس للخير والعطاء ، فيه بعض البلاد التي لديها عراقة وحضارة يعرفون بعضهم بالأنساب وعندهم زي عندنا طبقات ناس فوق وناس تحت وناس نص نص وناس بتبكي من الأسى وناس ناسية يوم الحساب وناس عايشة وناس لايصة ... أنا سامع جواك بتقول وناس هايصة .. أقولك ومش دريانة وإحنا مش عاوزين منهم حاجة ومش عاوزينهم وبندعي لهم بالهداية والمغفرة .... وبحبكم كلكم ونفسي أعزمكم على الفطار ولكن العين بصيرة واليد مش طايلة غير الاحلام والتمني ويا رب يسعد أيامكم ويريح بالكم ويعافيكم ويرزق كل واحد ويكفيه السؤال وبحبك يا بلدي رغم كل المحن ومع كل الصعاب والقسوة والمرار من ناسك مش من حراسك المرة دي انا اعلن ان العيب مش في الحكومة ولكن احنا اصحاب الحكمة والحكومة يا ناس
