اسم المستخدم: كلمة المرور: نسيت كلمة المرور



 

     
 
 
التاريخ
2/18/2017 9:55:33 PM
  زوجتى تقيم مع شخص قيل لي انه اخاها        نوع الاستشارة :  'استشــارات أحــوال شخصية'     دولة النزاع :  'مصر'

محتاج النصيحة للى عملته والى هعمله متجوز من سنة وبعد 8 شهور من الجواز المدام فى مرة راحة بيت اهلها تعبت مرجعتش لغاية دلوقتى وكانت حامل مرجعتش علشان عديت يومين ومتصلتش عليها وامها تتصل بيا تقولى كتر خيرنا اننا مستحملينك مع العلم ان بعد 40 يوم من الجواز المدام جالها الغضروف وامها كانت بتديها حقن بوروفين علشان لما ارجع كل اسبوع الاقيها فى السرير مستسلمة مع ان كان فة افترا بيحصل ومكنتش بلاقي رد فعل يبينلى ان الانسانة دى عندها شعور ولا لا بعكس شهر العسل لحقتها فى مرة وابتديت الف على الدكاترة وتقبلت الموضوع ومن الصبح افطر نفسي وانزل على الشغل ارجع بالليل اطبخ واغسل واقوم بالبيت ولا امى فى بيتها وقولت فى نفسي خليك اصيل انما بعد الكلمة الى اتقالت من حماتى كبرت دماغي وقولت انا مضربتش حد ولا طردت حد علشان تغضب بسبب تافه وتكبير الدماغ مجاش من فراغ لان فى مرة زعلت وروحت انا وهى لاهلها ولقيتها بتشتكى من معلقة الشاي الى بحطها على الرخامة وبتلزق .. من كوباية الشاي الى بسيب التفل فيها ومش بحط مياه علشان الكوباية متسدوش .. من الكوتشي الى بدخل بيه جوه الريسبشن .. طلعتى بنى ادم قذر وملقتش حد من اهلها يغلطها الهانم لما سابت البيت كانت فى اول السابع وانا مش عارف هى كانت ولدت ولا لا .. طلعت على القسم وعملت محضر ترك بيت الزوجية وبحملها مسؤولية سلامة الطفل وتسجيله وخرجت من القسم لفيت على كذا وحدة صحية ولقيت مولودة باسمي متسجلة من اسبوع ولحقت الموظف وازاى سجلو البنت وانا موجود بعد ما اتظرف منهم 50 جنيه .. عملت معاه الواجب وقصرتها بدل ما كنت هبلغ عنه وسجل البنت باسم تانى روحت استلمت شهادة الميلاد وكنت فى انتظارها هى او امها ومعاهم الطفلة اشوفها خصوصا انها اول مولود فى حياتى لقيتهم باعتين واحد قالو انه اخوها وطلع البيه اخوها بالتبنى اكبرمنها ب 6 سنين وقاعد معاهم فى البيت شديت معاه واتهزء بعد ما كان بيتكلم ببجاحة وبيتكلم عن المصاريف والى اعرفه انه ملهاش مصاريف طالما رفضت ترجع بيت جوزها وكمان رفضو يورونى البنت بعد ما حسو انها اصبحت ورقة ضغط عليا وطالبين انى اروحلهم البيت انا والوالد وانا رافض لانهم عاوزين يكسرونى المهم عرفو انى عملت محضر فى القسم بامتناع الام عن تطعيم المولودة بس ده محصلش ومعملتش بس كارت واترمى ورجعت لمكتب الصحة سبتلهم الشهادة وبلغت الموظف الى كان على تواصل معاهم انى عملت اللى المفروض انى اعمله من زمان وسبته ومشيت دلوقتى بنتى هتتربي فى بيت فيه حماتى المطلقة وابنها شقيق مراتى والباشا الابن بالتبنى وغير مسجل باسم ابو مراتي او امها هل فى اجراء اقدر اقوم بيه بعد ما اقنعت نفسي انى متجوزتش ومش هخضع لحد والى عايز حاجة يجي شقتى


  حسني سالم    عدد المشاركات   >>  54              التاريخ   >>  28/2/2017



شر البلية ما يُضحك

يا أخي انت قائد السفينة , فلا تعامل زوجتك كَنِد لك أو زميل او صديق , عاملها كأمرأة وزوجه وحبيبه , وستجد تغيرا كبيرا , لابد ان تعرف كيف يفكر النساء حتي تستطيع ان تتعامل معهم , فإنهن خلقن من ضلع أعوج , إن ذهبت لتقيمه انكسر , وسر جمال المرأة في اعوجاجها , فلولا اعوجاج القوس لما رمينا بسهم . فرفقا بالقوارير وتذكر قول رسولنا الكريم (استوصوا بالنساء خيرًا ، فإنّهن عوان عندكم ، أخذتموهن بأمانة الله ، واستحللتم فروجهن بكلمة الله ) ودعك من صغائر الامور مثل الملعقة والكوتش , فهذا امر لا يجرحك فالنظافة من الايمان . 
علي أي الاحوال اوصيك بتغيير ما في نفسك حتي يغير الله حالك , وذلك بأن تضع ما قلته لك آنفا أمام عينك , وتبدأ بالحُسنى , ولا ضير من زيارتها يا أخي , لتطمئن عليها وترى ابنتك , فادفع بالتي هي احسن , فإذا الذي بينك وبينه عداوة كأنه ولي حميم , فكيف الحال مع زوجتك سكنك مهبط المودةو الرحمة ؟!!! لو اخلصت النية لصحت النتيجة بأمر الله .
 
أما من الناحية القانونية , فيمكنك أن تقوم بعمل انذار طاعة وتطلبها لمنزل الزوجية , لكن احذر لا تلجأ لهذا الأمر قبل كل المحاولات الممكنه , لأنه سيثير حفيظتها وستسمع كلمه من والدتها او اخيها وستشتعل النار , وسينتهي الامر بخراب البيت , وليس من اليسير ان تنهي هذه الزيجة بعد الشهور القليلة التي عشتها معها , فخسارتك ستكون كبيرة صدقني , هترفع عليك نفقة لها والصغير ومن حقها قانونا حتي لو لم تكن مقيمه لديك , وممكن محامي يشير عليها برفع جنحة تبديد منقولات زوجيه , وقد يتأجج الخلاف ونصل لطلاق لا قدر الله او ترفع هي دعوى طلاق , وفي هذه الحالة ممكن تنهال عليك دعوي نفقة عدة  ونفقة متعة ومؤخر صداق , وطلب تمكين من مسكن الزوجية الذي اصبح مسكنا للحضانة , فكر قبل أن تبدأ اي خطوه , و اطرد وساوس الشيطان . 

حسني سالم المحامي بالنقض

 
 
 


 
 

 

الانتقال السريع           

 

  الموجودون الآن ...
  عدد الزوار 484 / عدد الاعضاء 60