التاريخ 8/1/2009 4:57:09 AM   قرب تعالى!!!!       قرب تعالى بجنيه ونــص قرب وشوف ع الخلق بص ده كان زمان الفرجة بقرش دلوقتي القرش بجنيه ونص وقرب تعالى ... آدي جارة قاعدة في ودان جارتها ع الخلق تنبر و تجيب سيرتــها لسان طويل يعيد  يزيــــــد تمد فيه حسب حاجتهــــــا وقرب تعالى ... وزميل في شغلك عمال بيخبص عصفورة دايرة..عمال بيرفص ولا حد داري بزنـابيـقـــه و الكل بقى قاعــد متقــرطس وقرب تعالى ... وشباب بقى فافي وبامبينو والبنطلون مسقـطينوا خواجات وخنافس ألافرانكا ملعون أبوخاش اللي عاملينه وقرب تعالى ... ودي بنت سمرا ودي بنت بيضة ماشيين في الشارع ع الموضة وإشي بتغني وإشي بتعري وإشي لابسة حجاب على برمودا وقرب تعالى ... وآدي واحد واقف في إشارة بتنظم؟؟!!!!!!!.. إديني أمارة عمال تتلكك على غلطة وتتنطط!! خد لك سيجارة وقرب تعالى ... وآدي الخضار رشينه رشة وجنون بقر ماتاكلش لحمة حتى الفراخ جابولها ذبحة بكره السمك يجيبوله قرحة وقرب تعالى ... و حاجات كتير وما قولتهاش و اللي يعيش هيشوف بلاش خليني ساكت واتفرج انت دي حاجات كتير ماتعدهاش وقرب تعالى ...   محمد راضى مسعود    عدد المشاركات   >>  600              التاريخ   >>  1/8/2009 قرب تعالى وشوف رجالنا قاعدين تملى جوه النقابه قال ايه ياسيدى بيرقبوا مالنا كنت انتوا فين لما اتنهبنا الرحمه ياخى وحياة ابوك متسودوش نهارنا ماكفايه ليلنا

الانتقال السريع        اختــــار