اسم المستخدم: كلمة المرور: نسيت كلمة المرور



 

     
 
 
اسعد هيكل
التاريخ
6/18/2008 4:36:59 PM
  مبروك علينا جميعا قانون المحاماه الجديد      

الي كل الزملاء و الاصدقاء الاساتذه الافاضل اعضاء المنتدي اهدي اليهم تحياتي و ابارك لهم علي موافقه مجلس الشعب منذ ساعات قليله علي اصدار مواد قانون المحاماه الجديد.

مبروك علينا جميعا سواء كنا مختلفين او متفقين فهذه سنه الحياه و طبيعه البشر و لكن يبقي دائما شيء يربطنا  لا نختلف عليه  و لا نحيد عنه و لا نشك فيه الا و هو .. اننا جميعا نعمل من اجل الصالح العام لنا و لمهنتنا و لامتنا .

سأحاول ان اوافي حضراتكم في اسرع وقت ممكن بمضمون النصوص الجديده

مره ثانيه الف مبروك علينا جميعا

كما  ابعث بالتهاني ايضا الي معالي النقيب الاستاذ /  سامح عاشور

اسعد هيكل


  احمدالمالكي    عدد المشاركات   >>  48              التاريخ   >>  18/6/2008



أتمنى لكم مزيداٍ من التوفيق والإزدهار

وإن شاء الله يكون هذا القانون بداية مجد لهذه المهنه العتيده

وفقك الله


أحمد جمعان المالكي
عضواتحاد المحامين العرب


  صالح اسماعيل محمود    عدد المشاركات   >>  9              التاريخ   >>  19/6/2008



مبروك للجميع صدور التعديلات والتى حتما هى مفيدة للمحاماة والمحامين



  mohas1981    عدد المشاركات   >>  39              التاريخ   >>  19/6/2008



مبروك لجموع المحامين على التعديل سواء متفقين أو مختلفين فى الرأى
ألف مبروك
ألف مبروك


  محمود رضوان    عدد المشاركات   >>  361              التاريخ   >>  19/6/2008



الف مبروك لمحامين مرة و انصار أرادتهم  بمنع تشريع المادة الأولي

شكرا للأستاذ الدكتور/ فتحي سرور

رئيس مجلس الشعب

لقوله

ووصف  المادة الأولي الخاصة بإنشاء مجلس مؤقت لإدارة نقابة المحامين بأنها «غير دستورية» وأضاف: «أربأ بنفسي أن أسهم في تمريرها»

بأستنادا لرغبة مجموع المحامين

الف مبروك بعد ما انتصرت إرادة المحامين

 


 


  محمد الشهيدى    عدد المشاركات   >>  512              التاريخ   >>  19/6/2008



اولا نهنئ جميع السادة الاساتذة بصدور القانون 0 كما نحمد الله على ان الجميع الان متفق على ان التعديلات بصورتها الحالية نقلة كبيرة للمحامين واود ان اشير الى اننى كنت احد المعترضين على المادة الاولى والمقربين منى يعرفون ذلك بما فيهم الخال قناوى 0

وحتى عند مناقشة هذه المادة فى مجلس الشعب رفض النقيب حضور الجلسة وقال ان هذه المادة مش بتاعتى وقال المجلس يعمل اللى يعمله بخصوصها لانها ليست من مواد القانون الذى قدمته 0

وحسنا فعل النقيب

المهم الف مبروك للمحامين والف مبروك للنقيب

والف شكر للذين قالوا نعم والف شكر للذين قالوا لالالالالالالالالالالالالالا

وايه كمان 00 ايوه نحن فى انتظار معرفة التعديلات على وجه اليقين

محمد الشهيدى المحامى

 



  محمد النجدي    عدد المشاركات   >>  54              التاريخ   >>  19/6/2008



لا شك ان تعديلات القانون هى قفذة للامام لانها لصالح جموع المحامين

وهذه التعديلات غير مسبوقة فى تاريخ نقابة المحامين ولم يحدث على الاطلاق قبل ذلك ان اى تعديل فى القانون اخذ مثل ما حدث فى هذه التعديلات من مناقشات على اعلى المستويات 0 فتحية لجميع المحامين على كافة اطيافهم وتحية لمعالى النقيب على همته الكبيرة فى تعديل هذا القانون

وتحية للجميع

محمد النجدى المحامى



  abdella    عدد المشاركات   >>  92              التاريخ   >>  19/6/2008



مبروك علينا كلنا القانون فهو لصالح المحامين اكيد

واما جميع المحامين اعترضوا على الماده الاولى

بما فيهم الاستاذ/ محمد الشهيدى وبلغنا اعتراضنا للاستاذ/ سامح عاشور اللى كان متررد بعض الشئ فيها واكيد الكل يسعى لمصلحة المحامين وخوفنا من المادة الاولى من التعسف فى استخدامها ليس الا الا ان النقيب وعد باجراء انتخابات وعندها المادة الاولى لن يكون لها قيمه وشكرا للاستاذ/ محمد الشهيدى اللى ابلغ النقيب اعتراض محامين الشرقيه بصفه عامه على المادة

ونحن جميعا محامين يجمعنا محراب واحد ونحافظ على مهنتنا وكرامه المحاماه ونقابة المحامين لتحى برجالها حرة مستقله على مر العصور بحب ابنائها وتفانيهم فى العمل والكفاء لرفع رايه الحريه ودفع الظلم عن الضعفاء

والله الموفق

عبدالله النجار  

المحامى



  محمد النجدي    عدد المشاركات   >>  54              التاريخ   >>  19/6/2008



علمت انه قد حدث فعلا ان الصديق محمد الشهيدى اتصل بالاستاذ النقيب وابلغه اعتراض محامين الشرقية على تلك المادة وكان ذلك بغرفة المحامين بالمحكمة الكلية بالزقازيق وقد تحدث مع معالى النقيب بعض الاساتذة المحامون عبر تليفون الاستاذ الشهيدى ومنهم الاخ الاستاذ عبد الله النجار واخرين 0

وهذا للعلم فقط وايضا ان هذه المادة ليست من التعديلات اصلا

وشكرا للاستاذ عبد الله النجار ولكل محامين الشرقية وكل محامين مصر  



  alfaroq    عدد المشاركات   >>  1              التاريخ   >>  19/6/2008



بسم الله الرحمن الرحيم

السلام عليكم ورحمة الله وبركاته

اولا كده وبصراحة وبعيدا عن الاجندة الاخوانية فى النقابة  وأجندة الحزب الوطنى وأجندة محبى النفوذ والسلطة انا بقولها صراحة وللاسف ومكنتش متصور كده وزعلان جدااااااااااااااااااااااااااااااااااااا

وكل الى زى زعلانين طبعا عارفين مين الى زى (الشباب الجديد الى كل حاجة ماشية عكسة حتى نقابته يوم ما تيجى تقول قانون جديد وهوا خارج من كليته كله امل ونفسه  يكون محامى زىى(اظن انتم عارفين مين؟؟!!!) الشباب الى تعب فى كلية الحقوق (أكتر نسبة سقوط , أطول اعمار فى الكلية دى )

نقول كمان                                                   حقول يمكن حد يسمعنى

قانون جديد حعيد تانى بعيدا عن الاجندات الى موجودة فى النقابة  وبعيدا عن  المادة الأولى

يا جماعة يا اساتذة يا محامين يا كبار ازاى وكيف وهاو(haw) ومنين وليه وبعدين وعشان مين ؟؟؟!!!

انا نفسى اعرف ده قانون حينفع ينشئ فى محامين جداد واقصد بالجداد الشباب الى زىىى

الى هما يمثلو حوالى 95%  من المحامين الجدد شباب الجدول العام  قلولى بالله عليكم ازاى !!!

انا نفسى اقابل محامى مش شغال فى حاجة مع المحاماه انا طول عمرى اسمع ان المحامى ده ومعلش وللاسف  بقولها بدون زعل فى مصر بالذات ارجوكم سامحونى (بتاع كلووو) هوا يا جماعة مش كده بمزاجة اعذروة والله مش بايده ولا بايد المحامى الى جمبه هما الاثنين عايزين يعيشوا بشرف فبيحاول يمشى فى كذا اتجاه خاصة لان فى مصر كل الاتجهات حالتها ربنا يحفظنا

اظن حضرتكم عرفتم انا معترض على مواد ايه مع انى مؤمن تماما بان المواد دى  هيا فعلا بتحفظ كرامة المهنة وىوىوىوىوىوى الخ

لكن غالب ظنى ان هيا مينفعش تطبق على المحامين الجدد ممكن مثلا وانا باقترح ان هيا تطبق من اول محامين النقض مثلا او اى شئ انما هيا مينفعش تطبق على محامين الجدول العام والاستاناف كمان

واخيرا وبعد ما جبتلكم صداع انا بتاسف ليكم على الاطالة  وبقول للمحامين الكبار اصحاب ال3 مكاتب فيما فوق (بسم الله ما شاء الله) مبروك على القانون الجديد وانا ظنى فعلا ان هما فرحنين جداا ولهم حق فعلا.

يبقى احنا شباب المحامين الجدد الى انا شايف  فى القانون الجديد ان هما حيرجعونا نمتحن تانى 

واحتمال يعملو لينا سنة خامسة حقوق والله اعلم فى ايه جديد حكم انا ديما  بخاف من الجديد بالذات فى مصر زى المثال الانجليزى الى بيقول(no news is a good news) فاوالله الواحد كان بيتمنى

يشوف اى مراعة لشباب المحامين لكن واضح ان النقابة مركزة ديما ودائما على كبار المحامين

والى هما  اولا واخرا هما الى مسكنها انا مستغرب لنقابة فيها مئات الالاف من الشباب ومفيش ولا ممثل ليهم بجد فى النقابة.

جزاكم الله خيرا على المنتدى الجميل واشفكم فى خبر احلى ان شاء الله



  abdella    عدد المشاركات   >>  92              التاريخ   >>  20/6/2008



بعد إقرار القانون الجديد
نقيب المحامين يؤكد انتصار إرادة المحامين علي هواة التضليل ومحترفي التخريب
التعديلات الجديدة خطوة علي طريق استعادة حقوق المهنة
سامح عاشور
أصدر سامح عاشور نقيب المحامين بيانا أمس أعلن فيه انتصار ارادة المحامين علي من أسماهم هواة التضليل ومحترفي التخريب، ومن حاولوا تضليل المحامين بشعارات زائفة ضد قانون المحاماة الجديد. أكد عاشور انه تم تعديل القانون الذي يضمن حق كل دائرة محكمة ابتدائية اختيار ممثلها بإرادة ابنائها دون تغييب للكفاءات النقابية في مجلس النقابة العامة.
وأضاف: ان النقابة اختصت بالفصل في منازعات تقدير أتعاب المحامي من موكله. كما أغلقت أبواب النقابة في وجه من لفظتهم وظائفهم لعدم صلاحيتهم، واقتصر الانتماء اليها علي من هو أهل لها. وتقتصر المهنة علي من يتخذ لنفسه مكانا لائقا بالمحاماة وهيبتها.
وأكد النقيب في بيانه أن القانون الجديد ألزم كل شركة تجارية بمراقب حسابات ومستشار قانوني. وأضاف ان التعديل الجديد كفل حقوق المحامي، وحال بينه وبين القبض عليه أو حبسه احتياطيا بسبب أعمال المهنة بعد أن كانت حقوق المحامي مجرد عبارات رومانسية أفرغها التطبيق العملي من مضمونها.
واضاف: ان القانون الجديد يضمن حق ورثة المحامي في استيفاء كامل معاشه دون انتقاص. وأكد نقيب المحامين ان التعديلات الواردة بقانون المحاماة الجديد تعد خطوة أولي علي الطريق الصحيح رغم ما اعترضها من عراقيل اصطنعتها ما وصفهم بقوي الأنانية وتيارات الاستئثار الذين اضاعوا الوقت في الثرثرة والمراء، وأكد النقيب عزمه المضي قدما في مسيرة العمل لاستعادة كل حقوق المحاماة دون الاعتبار بأي ضغوط من أية جهة.



 
 

 

الانتقال السريع           

 

  الموجودون الآن ...
  عدد الزوار 3749 / عدد الاعضاء 63