منتدي المحامين العرب  المنتدى العام  هوهوة .. مأمأة .. مجموعة قصائد عامية لمحمد النجدي

التاريخ 12/22/2007 4:22:34 AM   هوهوة .. مأمأة .. مجموعة قصائد عامية لمحمد النجدي       1- الضحية يا ابو فروة مأمأ  ف الصحافة ليل نهار  رأيك بطعم الإنكسار و المطابع مستحية كل واحد ف البلد  أصبح ضحية و يقول في سرة بكرة ييجي الدور عليا كلنا عايشين ضحايا كلنا سكتنا على بيع القضية   نشلنجي غنى للصهاينة ع الكمنجة ... سمسمية  سحباه ولية ...  ضمن شلة نفعجية ف الوسية ف الوسية ...ت تلقى دبح الأغلبية أربعة من كل خمسة و بطريقة عشوائية كل واحد فينا أصبح بإختصار زي قشر اللب ف القيمة هفية  أي حي بيندبح ف العمر مرة و ف بلدنا لأجل قلت الكلمة حرة   يدبحونا كل لحظة الف مرة وللمناضل اولوية حتى عند الدبح لا كبر ولا سمى عليا يا شعب فرط ف القضية مأمأ ... و هوهو مصر غابت عنها شمس الإنسانية ------------------------------- 2- كتوبة   كتوبة يا امه مكتوبة عرفت اقراها بصعوبة عشان ع الحيطة مشطوبة   كتوبة من شباب ثوري بيكتبها و قوام يجري  دة لو شافه العسس يا امه خدوه ع السجن من بدري  كتوبة ساعة الفجر يكتبها و بعد الضهر عسكرهم بتشطبها و نص اليوم بنقراها و نفهم يا امه معناها    تعبر عن مأسينا و نار جوانا تكوينا و صدري كأنة كانون ملان ولعة يبيعوا كل يوم مصنع   و يطفوا كل يوم شمعة و منهج علم للتطبيع من الإلزامي للجامعة وكله ع الحيطان مكتوب و باين مهما كان مشطوب   ---------------- 3- رد العمدة على البلاغ نحن عمدة شرم الجونة بالدوار يوم ستة بئونة عرض علينا بلاغ حسونة بعد الفحص اللازم منه و الذي منة و اللي جابونا رحنا سألنا المصنع كله صاحب المصنع من لشبونة رد مترجم صاحب المصنع عفوا عمدة دي مختونة و مدام ما بتملكش المونة تفضل عمرك جرن و شونة مرسوم وارد من امريكا عيني يا ليلي علي اللي باعونا جا لنا  ترنك الباب العالي يعزل عمدة شرم الجونة رأي الدولة و دار الإفتا رأي الغرب و ذل معونة لازم كله يخاف على دينه دين الدوله و دين المفتي ودين امك يا شيخ حسونة مع تحياتي محمد النجدي    محمد الشهيدى    عدد المشاركات   >>  512              التاريخ   >>  22/12/2007 رد العمدة على البلاغ نحن عمدة شرم الجونة بالدوار يوم ستة بئونة عرض علينا بلاغ حسونة بعد الفحص اللازم منه و الذي منة و اللي جابونا رحنا سألنا المصنع كله صاحب المصنع من لشبونة رد مترجم صاحب المصنع عفوا عمدة دي مختونة و مدام ما بتملكش المونة تفضل عمرك جرن و شونة مرسوم وارد من امريكا عيني يا ليلي علي اللي باعونا جا لنا  ترنك الباب العالي يعزل عمدة شرم الجونة رأي الدولة و دار الإفتا رأي الغرب و ذل معونة لازم كله يخاف على دينه دين الدوله و دين المفتي ودين امك يا شيخ حسونة   ******************** رااااااااااااااااااائعة وكل سنة وانت طيب     ايمن عبد الغنى المحامى    عدد المشاركات   >>  97              التاريخ   >>  25/12/2007 استغفر الله العظيم من المؤكد ان الاستاذ محمد النجدى لم يقصد ماكرره الاستاذ محمد الشهيدى بالمداد الازرق ليقينى ان الاستاذ النجدى اعلمه جيدا علما وادبا وورعا وتقوى اللهم اغفر لنا ولسائر المسلمين وحرر العراق وفلسطين آمين آمين  يارب العالمين   محمد الشهيدى    عدد المشاركات   >>  512              التاريخ   >>  25/12/2007 يبدو ان الاستاذ ايمن عبدالغنى اعتقد ان والعياذ بالله بان القصيدة فيها سب للدين يا استاذ ايمن لو تريثت قليلا وتمعنت فى القصيدة لعلمت ان الاستاذ النجدى يقصد وانا معه ان دين  الدولة ودين المفتى ودين ام الشيخ حسونة هو الاسلام الذى لا يمنع الختان   محمد الشهيدى    عدد المشاركات   >>  512              التاريخ   >>  25/12/2007 لازم كله يخاف على دينه دين الدوله و دين المفتي ودين امك يا شيخ حسونة   ************** فعلا لا بد من ان نخاف على ديننا ايذاء هذا الهجوم الشرس على ديننا الحنيف الذى هو دين الدولة الرسمى ودين المفتى ودين الشيخ حسونه ودين ام الشيخ حسونه وربنا يستر من كثرة الفتوى   قناوى    عدد المشاركات   >>  15              التاريخ   >>  25/12/2007 الرائع الاستاذ محمد النجدى قصائد ممتازة من شاعر اكثر من رائع يكتب بين الناس وللناس وما اعظمة الشعر عندما يكون كذلك أحمد قناوي المحامى   الديب المحامى    عدد المشاركات   >>  36              التاريخ   >>  25/12/2007 عسل والله عسل   أشرف طلبه المحامى    عدد المشاركات   >>  7              التاريخ   >>  26/12/2007 الضحية ...  شعب   باعت حكومته كرامته وتركته .... للتعب   مفيش فلوس .. مفيش عمل .. مفيش جواز .. مات الأمل   جدى , وجدك , وجدودنا ماتوا فى حروب زمان علشان نعيش   وحكوماتنا بتخطط  تعيش ومش مهم الشعب كله يموت   هى دى الضحية... هى دى القضية    .........................................................................................................................................................................................   قضية الختان   من أخطر القضايا المعاصرة والتى تبنتها الجهات الرسمية بالدولة للأسف الشديد وكان للمفتى دوراً فى هذة الجريمة التى اصابت الأسرة المصرية المسلمة , وخاصة بعدما اتجهت بعض الاسر المصرية لعدم ختان الإناث بعد فتوى المفتى .   ولكن هنالك الكثير من الفقهاء فى مصر تصدوا لهذا الأمر وأكدوا أن ختان الإناث مكرمة وعفة للأنثى , هذا بالأضافة لكون الختان سنه أكدتها أحاديث الرسول الكريم سيدنا محمد صلى الله عليه وسلم فى أكثر من حديث نبوى.   ونتمنى أن تقوم نقابة المحامين بدور فى هذا الشأن وهو قضية ختان الإناث بعد أن قامت بعض  الوزارات بتجريم ختان الإناث , الأمر الذى أصبحت معه هذه القضية تحتاج إلى تدخل نقابة المحامين وتقوم بدورها الذى ينشده جموع الشعب المصرى   محمد النجدي    عدد المشاركات   >>  54              التاريخ   >>  1/4/2008 اشكر كل الاخوة المتداخلين الاساتذة الكرام الشهيدى وايمن عبد الغنى وقناوى والديب واشرف طلبه وبقوله يا اشرف ما لكش دعوه بالشعر انت تقرا الشعر فقط ولكن لا تكتبه مش كده ولا ايه ؟  ناسف للتاخير فى الرد   متولى محمود    عدد المشاركات   >>  30              التاريخ   >>  1/4/2008 والله لااجد من الكلمات الطيبه ارسله لك سوى ما قلت ونتمنى ان يكون لك ( باب ثابت ) بهذا المنتدى ) متولى محمودالمحامى بالنقض   abdella    عدد المشاركات   >>  92              التاريخ   >>  2/4/2008 اولا :- شكرا يا استاذ/  محمد النجدى على الشعر الجميل فعلا بلا مجامله تحمل الكلمات معانى جميله  لكن اود ان اشير ردك على الاستاذ/ اشرف فى غير محله الاستاذ/ اشرف لايكتب شعر ولكنه بيعبر لك على جمال شعرك بطريقته ولكن كلامه اعجبنى وهو معجب بشعرك الجميل يا استاذ/نجدى وشكرا يا حبيبى عبدالله النجار

الانتقال السريع        اختــــار ------ منتـــدي المنتدى العام ------ ------ منتـــدي من أعلام القضـاة والمحـامين العرب ------ ------ منتـــدي استراحة المنتدى . ------ ------ منتـــدي منتدى الاستشارات القانونية ------ ------ مكتبـــة الأبحاث القانونية------ ------ مكتبـــة القوانين العربية------ ------ المكتبـــة الصوتية------